صانع أحجار كريمة: كل قطعة لها رونقها بس مفيش حجر بيجيب الحظ أو الرزق.. فيديو

قدم تليفزيون اليوم السابع تقرير حول الأحجار الكريمة وصناعتها ودخولها فى الإكسسوارات، وقال عبد العزيز القلاوى صانع أحجار كريمة، أن تاريخ المحل يعود لعام 1950، وقال "اعمل فى هذه المهنة أبا عن جد وجدودى وأعمامى شغلانتهم السبح من زمن الزمن"

وتابع "احنا بنحب الصنعة ديه واشتغلت حاجات كتير ورجعت لصنعتى من تانى، كل أنواع الحجارة موجودة عندنا كل حجر وليه رونقه لكن مفيش حجر بيجيب حظ أو رزق كله بيد الله"

وقال عبد العزيز عن الأحجار الكريمة ، ان الأحجار الكريمة فيها روحانيات لكنها لا تضر ولا تنفع ، ومفيش حاجة اسمها حجر بيجيب رزق أو حجر بيجيب حظ

واستطرد " كتير من الناس تسألنى عن حجر بيجيب حظ لكن اقولهم وأفهمهم ان الكلام ده مش صح ومفيش حاجة اسمها كده"