تعمل إيه لو ابنك جالك مضروب؟ أخصائية نفسية تجيب

علقت الدكتورة أمل غالي، الأخصائي النفسي، على كيفية تعامل أولياء الأمور مع الطفل إذا تعرض للضرب خارج المنزل، وقالت: "أول حاجة لازم يهدوا ويفكروا ويعرفوا سبب اللي حصل ده، وخلى الموضوع تطور عشان يوصل للضرب".

وأضافت خلال برنامج "ست ستات" الذي يذاع على قناة "dmc": "لو عندي طفل في كي جي، هروح المدرسة واعرف بالظبط اللي حصل، خصوصا لو كان الطفل اللي ضربوا أكبر منه سنا، أو إن أكتر من طفل تعدوا على ابني بالضرب".

وتابعت: "في حالات المفروض الأهل يروحوا المدرسة يعرفوا السبب، إنما لو الطفل أكبر شوية من السن ده، فلازم يتعلم يدافع عن نفسه، وأنا بشجع كل الأمهات أنها تلاعب أولادها رياضة، يعرف من خلالها يدافع عن نفسه، لأنها بتخليه واثق من نفسه، وهتخليه يحس أنه يقدر يدافع عن نفسه".

وقال: "اللي بيخلي بعض الولاد يتجرأوا على طفل معين، إنهم حاسيين أنه ضعيف، بيلاقوه واقف لوحده وخايف وشخصيته باين عليها الضعف، لكن لو بيلعب رياضة ومتعلم تكون نظرته حادة وطريقته فيها حزم، هيخلي التعدي عليه أمر مستبعد".