جاسمين طه زكى: الستات عارفة عايزة إيه.. وبتتحرك ببوصلة داخلية بكل خطوة

قالت الإعلامية جاسمين طه زكى، إن السيدات لديهن وعى عميق وإدراك كامل بما يردن، مؤكدة أن المرأة تعرف جيدًا ماذا تريد، سواء فى حياتها المهنية أو الشخصية والعاطفية، وتتحرك وفق "بوصلة داخلية" توجهها نحو ما ترتاح له.

وأضافت خلال برومو "ست ستات" المذاع على قناة "dmc": "الستات مش بس عارفين هما عايزين إيه، لكن كمان عندهم مرونة فى التفكير والتدبير، ولما الست تقرر تقف لحظة مع نفسها وتدوس زرار البوز أو الهولد، ده مش تردد، ده لأنها عارفة هى بتعمل إيه وليه وإزاي".

وأشارت إلى أن المرأة تتحرك بخطى محسوبة ومدروسة، موضحة: "الست بتكون مركزة جدًا، وعارفة كل خطوة فى حياتها بتعملها إمتى وليه وفين وإزاى، وعارفة هى مش عايزة إيه زى ما هى عارفة هى عايزة إيه".

واختتمت جاسمين طه زكى بالإعلان عن حلقة الجمعة من برنامج "ست ستات" فى تمام الساعة السادسة مساءً، قائلة: "هيكون فيه نقاش ساخن جدًا أنا وزميلاتى العزيزات.. هنشوف الستات عايزة إيه".