تليفزيون اليوم السابع يسلط الضوء علي تصريحات رئيس الوزراء خلال المؤتمر الصحفي

قدم تليفزيون اليوم السابع تغطية خاصة، حول المؤتمر الصحفي الأسبوعي لرئيس مجلس الوزراء دكتور مصطفي مدبولي والذي تحدث فيه عن بعض الموضوعات الهامة.

وقد طرحت الكاتبة الصحفية هند مختار، مدير تحرير اليوم السابع، مسئول ملف مجلس الوزراء، تساؤلًا على رئيس مجلس الوزراء الدكتور مصطفى مدبولي حول الشائعات التي تكررت بشأن بيع أصول الدولة، خاصة بعد لقائه بعدد كبير من المستثمرين من الدول العربية الشقيقة الأسبوع الماضي.

وقالت هند مختار في سؤالها لرئيس مجلس الوزراء: "لو حضرتك تسمح لي، يمكن جزء من سؤالي حضرتك أجبت عليه قبل كده أكتر من مرة ولكن الأسبوع الماضي حضرتك التقيت عدد كبير من المستثمرين من الدول العربية الشقيقة، فظهرت شائعات أخرى عن بيع الدولة لمنطقة وسط البلد، وأنا عارفة إن حضرتك أكدت على الموضوع ده أكتر من مرة، ولكن أي إنجاز بتعمله الدولة تتكرر الشائعات، فأنا بس محتاجة يعني تأكيد أكتر من حضرتك".

ورد رئيس الوزراء الدكتور مصطفى مدبولي قائلاً: "خليني مرة أخرى أؤكد على إن إحنا مش بنستهدف عملية البيع، ودايمًا لما بنقول حسن إدارة الأصول هو إزاي أحقق أعلى عائد من الأصول المملوكة للدولة، سواء بإن إحنا بنعمل شراكات مع القطاع الخاص لإدارتها وتشغيلها، أو حتى لو حصل نوع من زي بعض الشركات اللي عملناها، بندخل معانا الشريك الأجنبي أو المستثمر عشان نرفع أو نزود رأس المال، وبالتالي بيدخل بنسبة في هذا الموضوع، هو ده الإطار اللي إحنا بنشتغل عليه في هذا الأمر.