شيكابالا: اعتزلت بكامل إرادتى وقدمت كل ما لدى للزمالك

أكد محمود عبد الرازق "شيكابالا"، قائد الزمالك أن قرار اعتزاله كرة القدم جاء عن قناعة تامة ودون أي ضغوط من أحد، مشيرًا إلى أن وقته في الملاعب قد انتهى بعد أن قدم كل ما لديه بقميص النادي الأبيض.

وقال شيكابالا خلال تصريحات تليفزيونية: "ميدو جالي البيت لأنه كان فاكر إن في حد بيضغط عليا علشان أعتزل، وقالي مينفعش تعتزل دلوقتي لو مش بإرادتك، خاصة أن فى عقدى سنة لكن أنا كنت واخد قراري من زمان".

وأضاف: "كنت ناوي أعلن الاعتزال في نهاية الموسم، لكن أجلت الإعلان عشان أسيب الفرصة لمحمد عبد الشافي يتكرم بشكل يليق بيه في نهائي كأس مصر، لأنه رفض يعمل مباراة اعتزال، وعبد الشافي من أعظم الشخصيات اللي مرت على الزمالك".

وأوضح شيكابالا: "أنا شايف حب الناس ليا وجمهور الزمالك هيفضل يحبني بعد الاعتزال، وكان في ناس كتير طالباني أكمل سنة كمان، لكن حسيت إن ده الوقت المناسب".

واختتم تصريحاته قائلًا: "رحلتي مع كرة القدم انتهت، وقدمت كل حاجة مع الزمالك، وكان لازم آخد القرار ده".