تتابع مين على مواقع التواصل؟!.. شوف الفيديو ده واعرف ازاي تختار.. فيديو

قدم تلفزيون اليوم السابع فيديو يوضح مراحل تطور كلمة "بلوجر" من بداية الألفينات وحتى اللحظة، في بداية الألفينات، كلمة بلوجر كانت الموضة الجديدة، والبلوجر هو الشخص اللي بيكتب مدونات أو محتوى على الأنترنت يحي تجاربه، يشارك أفكاره أو ينقل أخبار في مجالة، سواء في الموضة، السفر، الأكل أو حتى التكنولوجيا.

لكن مع تطور السوشيال ميديا المدونات المكتوبة بدأت تقل، وحل محلها الفيديو والصور السريعة، هنا ظهر مصطلح أنفلونسر اللي هو "مؤثر" مش بس بيكتب لكن كمان بيأثر على قرارات الناس سواء الشراء أو التفكير أو حتى أسلوب الحياة، بعدها المنصات اتفرعت وبقى في  يوتيوبر على اليوتيوب، و تيكتوكر على التيك توك.

يعني المسمى أصبح مرتبط بالمنصة وطريقة المحتوى، مش بالشكل التقليدي للكتابة الأسماء أتغيرت ولكن الهدف الحقيقي المفروض يفضل واحد، وهو " تأثير إيجابي.

صحيح في ناس من عالم السوشيال ميديا ارتبط اسمهم بمشاكل واتهامات وحتى فساد وغسل أموال بدون ذكر أسماء وده خلى الناس تبص للكل بعين الشك.

لكن الحقيقة مش كلهم كده في المؤثر بشكل إيجابي وفي الفاسد زي أي مجال شغل.

في ناس قدرت تكون مؤثرة بشكل إيجابي و تقدم محتوى هادف تغير حياة غيرها للاحسن وتثبت أن الشهرة ممكن تكون وسيلة للبناء مش للهدم، وفي ناس تاني صدرت في المشهد أن الشهر بتتيح لك يعمل أي حاجة مقابل الفلوس والتريند.