يعنى إيه بروديوسر وتسلسل مهامه.. إسراء طاهر تجيب في بودكاست الشغلانة

تحدثت إسراء طاهر - Executive Producer، عن مهام ومفهوم البروديوسر، خلال حلولها ضيفاً في بودكاست الشغلانة مع آسر أحمد، والذي يناقش من خلاله كواليس عملية التصوير وصناعة السينما والدراما، وقالت رداً على سؤال يعني ايه بروديوسر :"البروديوسر هو الشخص المسئول ان العمل يتجمع ويتحول لعمل فني، مش مسئول فنياً ولكن من اول اختيار المخرج واختيار الكرو والممثلين ومن قبل كدا كمان، تحويل العمل من فكرة لحد ما ينفذ امام التليفزيون".

وعن التسلسل، قالت إسراء طاهر :"انا بدأت اتفرج لمدة سنة بس مش بعمل أي حاجة، وكان قرار أستاذ جمال العدل، اللى قالى انزلي اتفرجي، وبعدين السنة الى بعدها اشتغلت " post producer" وهو الشخص المسئول ما بعد التصوير عن عملية المونتاج والألوان وهكذا، وبعدين اشتغلت line producer وهو الشخص الى بيكون مسئول اكتر جوا اللوكيشن، وبعدين بقيت  producer ودا مسئول من مرحلة بدري شوية وبعدين الـ executive producer  اللى هو مسئول بقي بصورة اكبر وماسك كل مشاريع الشركة مثلا لو هو في شركة وجزء اداري وفني من الأول مسئوليته ومسئول عن الخطة الإنتاجية للشركة اللى هو فيها بردوا".

وعملت إسراء طاهر، على الكثير من المسلسلات الدرامية التي حققت شعبية ونجاحاً كبيراً خلال السنوات الأخيرة، ومنها (فوق مستوى الشبهات، والحساب يجمع، ولدينا أقوال أخرى، وأرض النفاق، وخيانة عهد، وبـ100 وش، حرب أهلية، وأحلام سعيد، و1000 حمدالله ع السلامة، وعتبات البهجة)، وتقوم بتحضير مسرحية أم كلثوم ميوزيكال.

بودكاست "الشغلانة" يقدمه الزميل آسر أحمد، ويعرض يوم الأربعاء عبر منصات السوشيال ميديا الخاصة بـ"اليوم السابع"، وكان قد حل المؤلف والسيناريست إياد صالح، في أول حلقات من البودكاست، للحديث عن صناعة السيناريو والكتابة والتأليف، كما حل محمد سري مدير المشروعات في شركة سعدي جوهر ميديا هب، في ثاني الحلقات للحديث عن كواليس عملية الإنتاج، وحل مهندس الديكور أحمد فايز في ثالث حلقات البودكاست، وكانت ضيفة الحلقة الرابعة مصممة الأزياء إيمان الخميسي للحديث عن صناعة الأزياء في الدراما والسينما والريد كاربت، وحل في الحلقة الخامسة الكاتب والمؤلف محمد إسماعيل أمين.

كما حل المخرج محمد سلامة ضيف للحلقة السادسة، وفي الحلقة السابعة حل الدكتور محمد مختار مدير التصوير للحديث على مهام عمليات التصوير وفي الحلقة التاسعة حل المؤلف والمخرج أحمد فوزي صالح، وكان ضيف الحلقة التاسعة المخرج باسل مبارك، وحل ضيف الحلقة العاشرة الكاتب والمؤلف محمود عزت، وفي الحلقة الحادية عشرة حل أشرف سعيد Head of Creative شركة ميديا هب – سعدى جوهر، والحلقة الثانية عشرة كان ضيفها مهندس الصوت مصطفى شعبان، والحلقة الثالثة عشرة حل أحمد يحيى صانع الأفلام الوثائقية.