"الناس بتتجوز علشان محتاجة حد يشاركها الحياة".. "سى محمد" يوضح معنى الزواج

قال المهندس محمد المصري، مدير عام بإحدى شركات البترول، إن فكرة الزواج في جوهرها تقوم على وجود شريك حقيقي يشاركك تفاصيل الحياة بحلوها ومرّها، مؤكدًا: "الناس بتتجوز عشان محتاجة شريك.. حد تقول له أسرارك، تشتكي له من مشاكل الشغل، من الولاد، تزعق قدامه من غير ما تخاف.. المهم يكون معاك وبيشاركك".

وأضاف المصري، خلال لقائه ببرنامج "ست ستات"، المُذاع عبر قناة "DMC"، أن فكرة "سي محمد" التي تتداولها زوجته ميرال بين أصدقائها جاءت من حبها للأفلام القديمة والزمن الجميل، موضحًا: "هي بتحب العصر القديم، فبتقول لي يا سي محمد بحب، وده أحلى حاجة".

واعترف المصري بطبعه العصبي، قائلًا: "أنا عصبي جدًا، ومعترف بده"، لكنه شدد على أهمية وجود الحب والدعم المتبادل بين الزوجين لتجاوز صعوبات الحياة اليومية، مختتمًا: "طالما اللي قدامك بيحبك ويقدرك، بتكمل وبتستحمل، دي أهم حاجة".