نسرين طافش: أعود للإنتاج واستكمال مسلسلى التاريخى المتوقف بسبب الحرب

كشفت النجمة نسرين طافش عن عودتها إلى مجال الإنتاج خلال الفترة المقبلة، موضحة أنها سبق وخاضت التجربة من قبل من خلال عمل درامى تاريخى، إلا أن الظروف السياسية والحرب فى سوريا تسببت فى توقف تصويره بعد إنجاز ما يقرب من 30% منه.

رؤية فنية خاصة ومشروع جديد

وأوضحت نسرين خلال لقائها مع تليفزيون اليوم السابع: "عندى رغبة قوية إنى أكمل فى مجال الإنتاج. فالعروض اللي بتيجي لي كتير ومغرية جدًا، لكن مش كلها بتعبر عن الرؤية اللى فى بالى. أنا عندي أفكار معينة وأعمال نفسى أقدمها، عشان كده قررت أركز على مشروعى الخاص بدل ما أقبل أى عمل لمجرد التواجد"، مضيفة: "الموضوع بالنسبة لى مش مجرد ظهور فى مسلسل، لكن إنى أقدم حاجة فعلاً تستحق وتبقى إضافة للفن والجمهور".

مسلسل مرتقب فى رمضان

وعن مشاريعها الدرامية المقبلة، أشارت نسرين طافش إلى أن العروض تأتيها كثيراً، كما أنها تعمل حالياً على قراءة أكثر من سيناريو، واعتذرت عن أكثر من عمل فى العام الماضى، لافتة: "لدى خطة لعمل جديد فى شهر رمضان المبارك، لكن مش هقدر أعلن تفاصيله دلوقتى إلا لما يكتمل بشكل كامل. اللي أقدر أقوله إن المسلسل هيكون مختلف وبيعبر عن رؤيتى الفنية".

فلسفة نسرين طافش فى النجاح

واختتمت نسرين تصريحاتها قائلة: "أنا مؤمنة إن النجاح الحقيقي مش في التواجد المستمر، لكن فى اختيار الأعمال اللي تسيب بصمة وتضيف للناس. وعلشان كده بشتغل بروقان وبمزاج وبخطط كويس قبل أى خطوة".

آخر أعمال نسرين طافش الفنية، فيلم "الدشاش" الذي تم عرضه في يناير 2025، وهو من بطولة محمد سعد زينة، باسم سمرة،، نسرين أمين، خالد الصاوى، مريم الجندى، أحمد الرافعى، أحمد فهيم، إسماعيل فرغلى، نوليا مصطفى، رشوان توفيق، محمد يوسف أوزو، وعدد آخر من الفنانين، والفيلم من تأليف جوزيف فوزى، وإخراج سامح عبدالعزيز، وإنتاج محمد رشيدى.