أحمد عبد القادر ميدو لـ"اليوم السابع": نحن درع السفارات ضد إرهاب الإخوان.. وهندافع عن سفارتنا ولو فيها موتنا.. الإخوان تسعى لصرف الأنظار عن جرائم الاحتلال.. وفى رسالة للمصريين: انتبهوا للمؤامرات التى تحاك ضدنا

قال أحمد عبد القادر ميدو، رئيس اتحاد شباب مصر في الخارج، إنه استكمالا لمبادرة اتحاد شباب مصر فى الخارج والتى تم الإعلان عنها مع شباب مصر فى كل عواصم أوربا وبدأت من هولندا لأنها أول سفارة تعرضت للهجوم من تنظيم الإخوان الإرهابي ومن يشغلهم قررنا النزول حينها للدفاع عن سفارات مصر مع شباب مصر الأبطال ووضعنا حظر التجوال من 7 صباحا إلى 7 مساء، وفتحنا بثا مباشرا أمام العالم وقولنا لهم "الدكر فيكم يقرب لكن هما مفيهومش رجالة ومقدرش حد فيهم ينزل والكلام دا شافه الشعب المصري اللى فرحان بتصريحات وزير الخارجية وبحماية السفارات واللى هايقرب من أي سفارة مصرية هانربطه فى سور السفارة".

وأكد "ميدو" في تصريح لـ "اليوم السابع"، أن المبادرة التى أطلقناها لحماية السفارات المصرية في الخارج عندما تجرأت جماعة الإخوان الإرهابية على السفارات المصرية في الخارج وهو ما يعد تنظيما منهم لإحراج الدولة المصرية ولإبعاد أعين العالم عن العدو الرئيسي المتمثل فى الكيان الصهيونى وما يفعله من مجازر فى غزة، بالإضافة إلى محاولة تقليل دور مصر فى دعم القضية الفلسطينية وهو ليس جديدا عليهم وخيانتهم.

وقال: "لما شوفنا اللى اتعرضت له السفارة المصرية في تل أبيب ولقينا الإخوان الخونة تجرأوا على السفارة المصرية قررنا إننا ننزل السفارات المصرية وبدأنا بالسفارة المصرية في هولندا وقولنا الدكر يقرب، ولا يجرؤ مخلوق منهم يقرب فى وجودنا هانفعصه، وكنا بنفتح لايف من أمام السفارات ولسه هانلف على كل العواصم".

وشدد قائلا:"وقفتهم أمام السفارة المصرية في تل أبيب تعتبر هجمة على الدولة المصرية من أجهزة معادية لها بمساعدة الجماعة الإرهابية وهي رسالة واضحة للجميع".

وأضاف:"حتى لو فيها روحنا هننزل نحمي السفارات ونرد اعتبارنا والمبادرة بمجهود شخصي من الاتحاد والحمد لله إننا فرحنا الشعب المصري كله وعرفنا الدنيا كلها أننا شباب مصر لوحدنا واجهنا تنظيم الإخوان الإرهابي في كل أوروبا مع الأجهزة اللي مشغلاهم، وكنا بنفتح لايف وحطينا حظر تجوال عليهم وقولنا ليهم جميعا "الدكر" يقرب في وجودنا، والنتيجهةمفيهمش راجل وده الأهم لينا إننا كشفناهم قدام الدنيا كلها، وأن شباب مصر مع بلده وقيادتها ضد كل من تسول لها نفسه المساس بأمن مصر القومي واللي هيفكر يقرب لأي حاجة تخص مصر بره هيواجهنا إحنا الأول لأن بلدنا عندنا فوق أي حاجة ده غير ثقتنا في رئيس بلدنا ومؤسساتنا الوطنية.

وأنهى حديثه بتوجيه رسالة إلى كل الشباب المصري قائلا" انتبهوا لما يخطط لمصر لأن المؤامرات علينا من كل الاتجاهات والهدف من كل ده مصر لكن بفضل ربنا مفيش قوه على الأرض هتقدر علي مصر باذن الله".