والدة طفلة كيس الشيبس لتليفزيون اليوم السابع: مبسوطة باللى عملته بنتى

قالت والدة طفلة كيس الشيبس خلال لقاء علي تليفزيون اليوم السابع، إحنا دايما بنحاول نعلم بنتنا علي العطاء علي قد مانقدر، وهي بتشوفنا وبتعمل زيينا، ومش أول مرة تعمل كدا، عملتها كذا مرة، هي أصلا جات حكيتلي بعد ما عملت كدا، لأنها متعودة تحكيلي كل حاجة.

وأضافت والدة طفلة كيس الشيبسي، لقيت أختي بتتصل بيا وتقولي شوفتي الفيديو بتاع بنتك الناس كلها بتتكلم عنه ومبسوطة بيه، وأنا الصراحة مكنتش شوفته، وأنا مبسوطة باللي بنتي عملته، والخير اللي بيتعمل مهما كان بسيط هاتلاقي المقابل خير.