صاحب السوبر ماركت: ما عرفش الطفلة هايدى ونشرت الفيديو عشان الناس تشوف حاجة حلوة

في لفتة إنسانية عفوية للطفلة هايدي فضلت مساعدة رجل مسن على شراء كيس شيبسي إلى ظاهرة اجتماعية، حصدت ملايين المشاهدات والتعليقات الإيجابية، وجلبت الرزق والبركة لصاحب المحل الذى صور الواقعة.

قال صاحب المحل، في تصريحات لتليفزيون اليوم السابع: "والله العظيم، درج المحل كان فيه فلوس قليلة الصبح، لكن بعد ما نزلت الفيديو، المحل فجأة بقى يبيع ويشتري، والدرج اتملى فلوس. ده كله بسبب الخير اللي عملته".

القصة بدأت عندما لاحظ صاحب المحل فتاة صغيرة كانت تقوم بشراء كيس شيبسي ولكنها فضلت مساعدة رجل مسن بخمسة جنيهات،  قررت الفتاة أن تعيد كيس الشيبسي وتمنح ثمن الكيس للرجل. 

وعبر صاحب السوبر ماركت عن دهشته من ردود الفعل قائلاً: "أنا لا أعرف البنت ولا أهلها. نزلته الساعة 12 الظهر، وفجأة لقيت في نص ساعة الفيديو جاب 4 ملايين، 5 ملايين مشاهدة. الناس بتكلمني من كل حتة، من داخل مصر وخارجها، يسألوني عن مكاني، وعن أي مساعدة ممكن أكون محتاجها".

وأكد أن الفيديو لم يكن بهدف الشهرة أو الربح، قائلاً: "أنا لا أعرف إيه هو الترند، ولا عندي صفحات على النت، ولا محتاج أي حاجة من حد. أنا لقيت موقف إيجابي يستاهل يتوثق. يكفيني دعاء الناس. ده في وسط العك اللي بنشوفه في حياتنا، ترند زي ده هو اللي يستاهل الانتشار".