شيرين: أنا بـ100 راجل وشخصيتي الحقيقية تختلف كليا عن لينا في "المتزوجون"

قالت الفنانة شيرين، إن شخصيتها الحقيقية، تختلف كليا عن شخصية "لينا" في مسرحية المتزوجون، وإنها كانت مجرد دور أدته ونجحت فيه.

وأضافت خلال لقائها مع الإعلامية منى الشاذلي ببرنامج "معكم" الذي يذاع على قناة "on": "عمري ما كنت لينا، أنا مثلت لينا وقومت بدورها، ونجحت في التمثيل".

وتابعت: "أنا شخصية معتدلة وحقانية، ولو بقدر أساعد حد بحاول على طول، وربنا بيردلي ده في حاجات تانية كتير، ولو حد أذاني بنتظر الرد من عند ربنا".

وقالت: "مرة كنت ماشية على الدائري، وكنت هنزل نزلة الهرم، عربية تانية عدت جنبي بسرعة وخبطت في الحاجز واتقلبت، طلبت من السواق أنه يقف علشان لازم نساعده، لاقيت العربية مقلوبة والراجل وقع برة العربية، ورشيت عليه مياه، وطلبت من الناس تعدل العربية، وطلبت الإسعاف".

وأضاف: "الراجل قالي دي مش عربيتي دي عربية شغال عليها، كلمنا ابنه وحكينا اللي حصل، وشخص كان عاوز ياخد تلفونه ومنعته، وفضلت واقفة لحد ما الإسعاف أخدته وراح المستشفى، وبعدها بشوية لاقيت أخويا عرف والناس راحت شكرته وقالتله أختك بـ 100 راجل".