نسرين طافش عن أغنية روقان: البهجة مش رفاهية وضرورية علشان نقدر نعيش

أكدت النجمة نسرين طافش أن أغنيتها الجديدة روقان التي طرحتها فيديو كليب الأسبوع الماضى، ولاقت تفاعلاً وانتشاراً كبيراً، لم تكن مجرد عمل غنائي جديد، بل كانت الشرارة الحقيقية لعودتها إلى الساحة الغنائية بعد غياب، مؤكدة أن جميع العناصر توافرت في هذه الأغنية، مما شجعها على استكمال مشروعها الغنائي الذي توقف لسنوات.

روقان أغنية كاتشي وتدخل القلب بسرعة

وأوضحت نسرين طافش خلال لقائها مع تليفزيون اليوم السابع، أنها انجذبت للأغنية بمجرد سماعها أول مرة قائلة: "عندما اقترح عليّ الموزع محمود الشاعرى أغنية "روقـان"، وسمعتها لأول مرة، حسّيت إنها أغنية كاتشى وتدخل القلب بسرعة، وقلت في نفسى دى لازم تكون بداية الرجوع، لأنها مش بس أغنية، دى طاقة ايجابية حقيقية، وده الهدف الأساسي بالنسبة لى".

 

وتابعت نسرين طافش:" أنا مش راجعة أغني علشان أغنية وخلاص، أنا راجعة أقدّم حالة من البهجة والدعوة للسعادة، لأن حياتنا بقت مليانة ضغوط وحروب ومشاكل، والطاقة السلبية حوالينا في كل مكان.. بقينا مثقلين بالهموم والتعب، ومحتاجين فعلاً جرعة طاقة حلوة تخليّنا نكمل، وتخلّينا نبقى ناس ألطف وأهدى، ف البهجة مش رفاهية، ولكن ضرورية علشان نقدر نعيش سواء في شغلنا، أو كأب، أو أم، أو زوجة، أو حتى مجرد إنسان بيحاول يكون كويس مع نفسه ومع اللي حواليه."

مشروع الغناء مرهق مادياً بدون شركة انتاج

وحول استعدادها لعودة الغناء في ذلك الوقت، قالت نسرين:بصراحة، لما عُرضت عليّ الأغنية، ماكنتش مستعدة مادياً، لأن الغناء مشروع مُرهق جداً من الناحية الإنتاجية، وكنت قبل كده بشتغل على الأغاني لوحدي تماماً، لكن لما بقى في شركة إنتاج تؤمن بالفنان وتدعمه، ده بيفرق جداً، بيدي للفنان مساحة يركز في الفن نفسه من غير ما يحمل عبء الإنتاج والتنظيم لوحده."