مسلم يكشف معاناته فى الطفولة: كنت بتضرب وبسيب البيت.. وأمى سندى الوحيد

تحدث المطرب مسلم في بث مباشر عبر حسابه الرسمي على إنستجرام عن تفاصيل مؤثرة من حياته الشخصية، خاصة ما عاشه في طفولته، وعلاقته بأسرته، وأثر ذلك على مشواره الفني والإنساني.

وقال مسلم: "من وأنا صغير كنت بتعرض للضرب من أهلي، وكنت بسيب البيت وأخرج، واشتغلت من بدري لأني كنت حاسس إني هبقى حاجة مهمة، ووالدتي كانت دايمًا بتوقف جنبي. إخواتي كانوا دايمًا ضدي وواقفين مع أمي، لكن رغم كدة، عمري ما قصرت في مساعدتهم".

وأضاف: "والدتي أهم حاجة في حياتي، ومستعد أعمل أي حاجة علشان ترضى عني، وكل اللي وصلت له بفضل دعواتها. لكن للأسف، إخواتي خسروني في حاجات كتير، سواء في شغل الغناء أو المشاريع التانية، وأختي تحديدًا اتكلمت عني بشكل مش كويس".

وتابع مسلم قائلاً: "أنا في كل شغل جديد بخصص جزء لأهلي، بس بطلب منهم يسيبوني أعيش حياتي. زمان كانوا بيسكتوا لما زوجتي السابقة اتعرضت للإهانة احترامًا ليا، لكن يارا (زوجتي السابقة) مقدرتش تسكت لما اتقال عليها كلام مش حلو".

يُذكر أن آخر أعمال مسلم كانت أغنية "السكة اللي تودي"، وديتو أنا بابا مع المطربة بوسى، أغنية "شافوني غلط" التي طرحت عبر موقع "يوتيوب"، من كلمات وألحان حسن جمال، وتوزيع وميكس وماستر رامي المصري.