أمير عبد الحميد مرشح للاستمرار مع المدير الأجنبي في الأهلي

أعرب أمير عبد الحميد عن سعادته الكبيرة بتعيينه مدربا لحراس المرمى للفريق الأول لكرة القدم بالنادي الأهلي، مؤكدا أنه يشعر بمسئولية كبيرة تجاه النادي الذي عاش وتربى فيه، وكان له الفضل عليه فيما وصل له الآن.

 

وقال أمير، عبر حسابه على إنستجرام: "أول مرة دخلت النادي الأهلي كان بالنسبالي ده أول حلم بيتحقق وأنا طفل عنده 10 سنين، من وقتها وأنا كان عندي أحلام كتير أوي أولها إني لبست تيشرت النادي ولعبت باسمه سنين كتير أوي حققت فيهم بطولات وألقاب".

 

وتابع عبد الحميد: "كل يوم ليا في النادي كان حبي ليه بيكبر وأحلامي بتكبر معايا، أكبر أحلامي دي كانت إني حتى لو بعدت عن النادي الأهلي كلاعب إني أرجعله كمدرب لحراس المرمى، النهارده الحلم ده بيتحقق وعلى قد ما حسيت إن أحلامي تحققت، حاسس بمسئولية كبيرة تجاه النادي اللي عشت وتربيت فيه واللي ليه الفضل عليا في كل اللي أنا وصلتله دلوقتي، جه اليوم اللي أرد فيه للنادي الأهلي الجميل ده وإن شاء الله أكون قد المسئولية الكبيرة".

 

واختتم أمير: "كل الشكر للمسئولين في النادي الأهلى على ثقتهم فيا ودعمهم ليا، وكل الشكر للاتحاد المصري لكرة القدم بقيادة المهندس هاني أبو ريدة وكل أعضاء مجلس الإدارة لاتحاد الكرة، وكل الشكر للكابتن حسين عبد اللطيف وكابتن عبد الستار صبري وكابتن كريم أيمن والجهاز الفني بالكامل لمنتخب مصر 2009 واللاعبين، وكل الشكر لجمهور النادي الأهلي العظيم ودعواتكم بالتوفيق لينا في اللي جاي".